Independence Day football a final luh inchuh turte an hriat kim tawh a. Thawhlehni khan Group B atangin Chhinga Veng FC leh Mizoram Police te an tling chiang.
Lammual-ah Independence Day Football Tournament 2022 Group B inkhel hnuhnung hi khelh a ni a. Inkhel hmasa zawkah Chanmari FC leh Mizoram Police te an inkhel.
Team pali te tling tura beiseina la nei vek an ni a, inkhel pawh a tang.
Inkhel hmasa zawkah goal a lut hnem a, 4-4 in team pahnihte an inhnehtawk. Mahse a tawpah goal difference a sang zawk Police an tlang.
Police tan striker rinrawl Malsawmfela chuan goal a khung hmasa a, hei hi Chanmari in goal thumin an chhanglet a. F. Lalnuntluanga chuan goal hnih a khung. Mahse Police an ‘comeback’ thei a, Sawmfela bakah Ronald Zothanzama leh Zaithanmawia ten goal khungin an si phurh an sut zo.
Inkhel hnuhnung zawkah veng inthenawm Chhinga Veng FC leh Electric Veng FC te an inkhel a. Inkhel boruak a sang a, player-te an indim lo.
Mahse minute 74-naah Chhinga Veng tan Lalrinzuala chuan goal a khung a, hei hi Electric Veng in sut thei lovin 1-0 in an chak a, Group B-ah an sang ber.Independence Day Football Tournament 2022
August 9, Thawhlehni I-Day Men’s Football Tournament inkhel result:
11:00 AM Chanmari FC 4 – 4 Mizoram Police FC
(F Lalnuntluanga 39′, 48′, Malsawmzuala 63′, Lalremruata 76′) (Malsawm- fela 6′, 68′, Ronald Zothanzama 78′, Zaithanmawia 86′)
01:30 PM Electric Veng FC 0 – 1 Chhinga Veng FC
(Lalrinzuala 74′)
August 11, Ningani I-Day Men’s Football Tournament inkhel tur:
11:30 PM FC Venghnuai vs Mizoram Police
02:00 PM Chhinga Veng FC vs Aizawl FC
August 10, Ningani I-Day Women’s Football Tournament inkhel tur:
Semi-final, AR Lammual
11:30 PM Marcus School of Education vs Govt. Central HSS
01:30 PM Govt. Hrangchhuana HS vs New Vision Academy
August 10, Nilaini I-Day Veteran Football Tournament inkhel tur:
RG Stadium
11:00 AM G90’s vs NEHU Alumni
01:00 PM Venghnuai Veteran vs Chanmari Veteran
August 11, Ningani I-Day Veteran Football Tournament inkhel tur:
Semi-final, RG Stadium
11:00 AM Mizoram Police vs Ditea’s United
01:00 PM G90’s/NEHU Alumni vs Venghnuai Veteran/Chan- mari Veteran