India ramah darkar 24 liam ta chhungin mi 12,751-in coronavirus an kai tih hmuh chhuah leh hman a ni a, mi 4,41,74,650-in an kai ta a, enkawl lai erawh tlahniam hretin mi 1,31,807 an la awm mek tih union health ministry chuan a sawi.
Darkar 24 liam ta chhung hian mi 42-in thihpui leh hmanin mi 5,26,772-in an thihpui tawh a, heng zinga 10 chu Kerala-a mi, a hma lama thi tawh, telh thar an ni.
Hri kai hmuh chhuah tawh zawng zawng atanga chhutin enkawl lai hi 0.30% an la ni mek a, 98.51% erawh enkawl dam an ni tawh.
Darkar 24 liam ta chhung hian enkawl lai hi mi 3,703-in an tlahniam leh hman a ni.
Darkar 24 liam ta chhunga sample endik zinga 3.50% chuan hri kai tih hmuh niin chawlhkar khat liam taa endik zinga 4.69%-in an kai bawk.