Mizoram Rural Bank chuan 2022 Commonwealth Games gold medalist Jeremy Lalrinnunga chu Thawhlehni khan lawmpuina pawisa leh thilpek an hlan.
MRB hian Jeremy-a hi cheng nuai 5 bakah lawmpuina thuziak leh Bible an pe.
Aizawl New Capital Complex a an office Auditorium ah inkhawm tawi buatsaihin MRB Chairman V. Jaya Chandra chuan, “Jeremy-a hian gold medal la turin inelnaah kg 300 a chawi chhuak ni mai lovin, India ropuina a chawichhuak a ni.” a ti.
MRB chairman hian Mizo thalaite zingah tumruhna nei pung zel se, Jeremy a hlawhtlinna hian midang cho chhuak zel se an duh tih a sawi bawk.