Northeast Frontier Railway (NFR) General Manager Anshul Gupta chuan Indian Railways (IR)-in ram thenawm – Bangladesh, Nepal leh Myanmar ramte tlawhpawh turin ruahmanna a siam tih a sawi.
Arunachal Times-in a tar lan dan chuan Gupta hian Guwahati-a thuthar lakhawmtute a kawmnaah rela Bangladesh tlawhpawhna tur chu peih tep a ni tawh tih sawiin IR hian Nepal lam a hawi mek bawk tih a sawi.
“NFR hian kumin union budget-ah Rs Vbc 8,060 a dah thu leh a hma tangka kum aiin Rs Vbc 1,511 zetin a tam zawk,” tiin Gupta hian a sawi niin Arunachal Times hian a tar lang.
Gupta hian hmarchhak state hrang hranga relkawng tihchangtlun nana pawisa dah pawh tihpun vek a nih thu a sawi bawk.
“GPS-a innghat train collision avoidance system (TCAS) chu India hmarchhaka kawng lun (high-density network -HDN) leh kawng hman rim (highly utilised networks - HUN)-a hman turin budget-ah hian sum dah a ni bawk,” a ti.
Hei bakah hian HDN-a hman turin automatic block signalling (ABS) leh centralised traffic control (CTC) pawh NFR-a hman turin union budget-ah hian sum dah a ni bawk.