Real Madrid midfielder hlui Isco chuan Spanish club Sevilla hnenah kum hnih contract a ziak.
June 30 a Real Madrid hnena a contract a hman zawh hnuah Isco hian Estadio Sanchez Pizjuan lam a pan a. Thawhtanni khan medical a neih fel hnuah training a zawm.
Kum 30 mi Isco hian kum 2013 June thla khan Euro maktaduai 35 in Malaga atangin Real Madrid hi a zawm a. An tan match 352 khelin goal 53 a khung a, assist 56 a nei.
Attacking midfielder fing leh ball thiam a ni chungin Real Madrid a zawm hnuin team mamawhnaah chawr kual a ni nasa hle a. Tunhnai kum hnih chhungin khelhna hmun a chan tam loh avangin a contract hi club lamin an hman zawh tir hnuah pawhsei loh an thlang zawk.