Liverpool in inhliam an neih a pung chhunzawm zel a, an midfielder Thiago Alcantara chu Inrinni zana a inhliam hnuah kar ruk vel a chawlh a ngai dawn.
Spain international kum 31 mi hi Fulham nen Craven Cottage a an inkhelh tumin minute 51-naah lakchhuah a ngai a. A malpuiah hliam neiin a tihrawl hliam avangin hun engemaw chen a chawl ang.
Tunkar khan a hliam hi chiang taka endik a ni a, Liverpool medical team lamin zai ngai niin hre lo mahse tihrawl hliam a nih avangin hun engemaw chen a chawl ang.
Central midfield bikah Curtis Jones leh Alex Oxlade-Chamberlain te pawh an khel thei lo mek.