Bihar deputy chief minister thar, Yadav chuan India-in an state-in kawng a zawh lai ang chu a mamawh thu a sawi a. Rashtriya Janata Dal (RJD) hruaitu hian Kumar-a kaihhruai sorkar lak luh a nih hnuah thla khat khat chhungin mi rethei leh thalaite tan hna tam tak an siam nghal tur thu a sawi.
Hna nei lo tam lutuk tihtlemna tura a beihna chungchang sawiin Yadav chuan, tuna sorkarin hna a lak tur chu tun hma lama an la hmuh ngai loh zat a nih tur thu a sawi.
“Bihar hian ramin a mamawh a ti a, kawng kan kawhhmuh a ni. Kan beih chu hna nei lo tam lutuk tihtlem a ni a. Kan CM hi mi rethei leh thalaite harsatna hriatthiampuitu a ni a. Thla khat chhungin thalai leh mi retheite tan hna tam tak kan siam ang. Tuna hna lak tur hi chu tun hma lama kan la hmuh ngai loh zat a ni dawn,” a ti.
Party tam tak tangho, Mahagathbandhan (grand alliance) chu a lianin a chak tawk tih a sawi a, BJP chauh assembly-a eptua thu tur an nih tawh thu a sawi.
“CM Nitish Kumar-an thutlukna khirh tak a siam hi kan mamawh thutlukna a ni a. BJP-in inngeih lohna chi an theh a, regional party inkarah hem thlakin tihhlum vek an tum a ni” a ti.