West Ham United in a club nen inremna an nei hman a, London Stadium a pan mai dawn nia a lan hman tawh hnuah Everton an inrawlh a. Pound maktaduai 33 in Belgium midfielder Amadou Onana an lalut.
Kum 20 mi hian Inrinni khan Goodison Park a Everton leh Chelsea inkhel chu a hmunah a lo thlir tawh a. A club thara a insawnna hi kartawp khan an tifel.
“Everton ka zawm thei hi thil nuam leh lawmawm tak a ni a. England-ah club lian ber zing ami a ni a, kum tam tak he club-ah hian khelh ka duh.” a ti.
Onana hi Everton in tun nipuia player an lakluh pangana niin James Tarkowski, Dwight McNeil and loan pair Ruben Vinagre leh Conor Coady an lalut tawh.
Lille defensive midfielde rpalian hian Everton manager Frank Lampard chu a thutlukna siam kawngah a pawimawh thu a sawi bawk a. “Kan manager hi football a sang berah pawh lo khel tawh a ni a, thil tam tak min zirtir thei dawn.” a ti bawk.