Reality show lar tak Kaun Banega Crorepati season 14-na chu a kal chho leh ta a, host Amitabh Bachchan hlawhzat ah zawhna a tam a, Episode khat zela a hlawhzat hi a tam tham hle.
Kum 2000 atang khan ‘Kaun Banega Crorepati’ season 1 kalpui tan a ni a, siasat.com tarlan danin, Big B hian episode khat zelah cheng nuai 25 a hlawh.
Show hi a hit tak em vangin Big B-a hlawh pawh season tin mai hian a pung zel. Season 5, 6 leh 7-ah khan episode khat zelah cheng vaibelchhe 1.5 – 2 zet a dawng a, season 10-ah erawh vaibelchhe 3 ah a kai chho.
KBC season 11, 12 leh 13 ah khan episode khat zelah vaibelchhe 3.5 a hlawh hman a, tuna kalpui mek season 14-ah hian cheng vaibelchhe 4 atanga 5 vel hlawh ngei tura ngaih a ni bawk.
KBC 14-ah hian zawhna ngaihvenhlawh tak tak a chhuak zut zut reng a, khual thami langsar tak tak an awm deuh reng bawk nen, rampum huap ngaihven hlawh a ni mek. Top prize hi cheng vaibelchhe 7 niin, India ramin zalenna a hmuh champha 75-a pual hian top prize hi cheng vaibelchhe 7.5 ah tihpun an tum a ni.