Premier League champion Manchester City chuan Spanish left-back Sergio Gómez chu lakluh tumin an ngaihven a. Belgian club Anderlecht nen inremna an nei teuh tawh hle.
City hian kum 21 mi lalut tur hian Euro maktaduai 10 chuang an pe dawn nia sawi a ni a. Spain Under-21 international man zat tur erawh hriatchian a la ni lo.
Man City hian Ukraine international Oleksandr Zinchenko chu Arsenal hnena Pound maktaduai 30 a an hralh hnuah Gomez hi tlarhnunga duhthlan tur an neih belh theih nan an duh a. Joao Cancelo thachhangdawltu a ni ang.
Belgian club nen hian indawrna la nei chhunzawm zel an ni a. An tum dan hmasa zawkah chuan Gomez hi Man City neitu City Football Group hnuaia awm Spanish club Girona-ah loan a kal tir phawt a ni a. Mahse Pep Guardiola chuan kar hmasa a Pound maktaduai 62 a Chelsea zawmtu Marc Cucurella an chan loh avangin a squad a awm tir a pawi ti lo.
Barcelona chherchhuah Gomez hian kum 2018 khan Borussia Dortmund a zawm a, loan in Spain-ah season hnih a inchherhriam hnuah nikum khan Anderlecht hi a zawm.