US Open lo awm tura inbuatsaihna atana mi tam takin an hman National Bank Open first round-ah champion lai Camila Giorgi chuan British tleirawl Emma Raducanu chu a hneh.
Toronto a WTA tournament-ah hian US Open champion lai leh British number one Raducanu hian tunhnaia a chet chhiat a la kalsan thei lova. Italian nula lakah 7-6 (7-0) 6-2 in a chak.
World number 10 ni lai Raducanu hian August 29 a US Open an tan hma in tournament dang a la khel leh ang.
Kum 30 mi Giorgi hian set khatnaah intluk takin bul tan dun mahse tie-break a thunun hle a. Set hnihnaah pawh a chungnunna chhunzawmin harsatna a tawk zui lo.
Inkhel dangah American tleirawl Coco Gauff chuan Madison Brengle 6-1 6-3 in a hneh.