Tottenham Hotspur chuan an squad pan avanga sawisel an hlawh thin chu thlak danglam an tum nasa hle a. Udinese atangin defender Destiny Udogie an lalut dawn.
Italy Under-21s international left-back hian an hnena contract a ziah hnuah tun season chhung loan in a club hluiah hian a khel lehnghal ang.
Club pahnihte hian inremna hi an nei fel tawh a, mahse tunkarah puanzar a ni chauh ang.
Kum 19 mi hi season liamta khan Udinese player hmasawn leh langsar zing ami a ni a. League inkhelah match 35 atangin goal nga a khung a, midang khung tur vawi li a siamsak.
Udogie hi an lalut a nih chuan Tottenham in tun nipui a player an lakluh pasarihna a ni dawn a. Ivan Perisic, Richarlison, Fraser Forster, Yves Bissouma, Clement Lenglet leh Djed Spence te an lalut tawh.
Hellas Verona atanga professional football a bul tan Udogie hian kum 2021 khan Udinese hi a zawm a. Antonio Conte tlarhnungah duhthlan tur tha pek belhna tur la ni thuai tura ngaih a ni.