Bundesliga champion lai Bayern Munich in hnehna an chan chhunzawm zel a, match thum atangin an chak vek a, goal 15 an khung tlinna ni turin VfL Bochum 7-0 in an hneh.
Pathianni zana Vonovia Ruhrstadion a inkhelah Bavarians in match thum chhunga goal an khung hi record thar a ni a. First half-ah minute 38 chhungin goal li an khung.
Leroy Sane, Matthijs de Ligt, Kingsley Coman leh Sadio Mané ten goal an khung a. Second half-ah Mane-a’n penalty a khung bakah Cristian Gamboa own goal leh Serge Gnabry goal te an neih belh.
Bayern coach Julian Nagelsmann chuan, “Kan kheltha vek a, team thlan pawh a harsa thin.” tiin a naute a fak.