Paris Saint-Germain star Kylian Mbappe chuan kum 30 chhunga Ligue 1 goal rang ber a khung a. Bul an tan that rah sengin French champion in an khingpui an sawp a, 7-1 in an chak.
Pathianni zana Stade Pierre-Mauroy a inkhelah Mbappe hian goal khung turin second 8 chauh a mamawh a. Lionel Messi-a ball siamsak chu Lille goal-ah a pet lut mawi hle. Mbappe hian kum 1992 a Cannes laka Caen player Michel Rio-a record siam a tluk.
France World Cup star hian second half-ah minute 66-na leh 87-naah te goal a khung belh a. Brazil forward Neymar chuan halftime hma leh hnuah goal a khung ve bawk a. Mbappe nena an inkar tha lo nia sawi Neymar hian tun season Ligue 1-ah goal nga a khung tawh a, midang khung tur vawi nga a siamsak bawk.
Argentine forward Lionel Messi chuan goal khat dang khungin wing-back Achraf Hakimi pawhin goal a khung.
PSG hian match thum atangin goal 17 an khung tawh a, point hnihin Lens leh Marseille lakah hma an hruai.
Pathianni zan inkhel dangah Clermont Foot leh Stade Rennes te mahni mualah an chak a. Auxerre leh Brest te mikhual ni a chakin tun season-ah a vawikhatna atan point thum an hmu.
Tun kartawpah Ligue 1 inkhelah red card vawi 11 phawrh a ni a, kum 30 chhunga kartawp inkhel round khata phawrh hnem ber tum a ni.