Aizawl : Pathianni kalta khan Hmarchhaka NSUI hruaitute intawhkhawm – North East National Student Union of India Conclave chu Guwahati-ah neih a ni a. NSUI Mizoram state atangin President RB Lalmalsawma, Vice President Lalthanzuala leh General Secretary Jerome Laltanpuia te an tel.
Hmarchhaka NSUI hruaitute kalkhawm chuan hmarchhak zirlai ten harsatna an tawh changa buaipuitu tur din a nih theihna tura hmalak a nih theih nan NSUI Hqrs. office, Delhi-ah thlen ni se, an ti a. Central civil service-a north east zirlai tam zawk an luh theih nan a tul anga hmalak ni se, an ti.
Hmarchhak zirlaite inunauna a that leh zualna tur leh central lamin a hriat chian leh zualna turin hmarchhak zirlaite pualin New Delhi-ah cultural exchanges programme buatsaihte leh hmarchhak zirlaite tana tha leh tangkai tur nia an hriat thu pawimawh dang engemawzat an relho bawk.