India chuan Namibia atanga a ram chhunga khawsa tura sawn hlim, sakei chi khat, cheetah pariat zinga pathum chu a duh lo.
Heng ramsa pathumte hi khawi lai an ni tia sawiin a duh lo va, sa an pel thei lo niin a sawi.
Namibia erawh chuan India puhna hi a pha ve thung.
Tourism ministry thupuangtu, Romeo Muyunda chuan ‘cheetah-te hi an vaiin a note an nih laia man an ni a, sa pel thei tura chhuah leh vek an ni’ tiin a sawi tih Namibian chanchinbute chuan an tar lang a ni.
Muyunda chuan India-in a dawn duh loh pathumte hi Namibia-in a dangin a thleng dawn lo niin a sawi a, “Kan cheetah neih laite hi a kâm zawnga an awm kan phal lo,” tiin a sawi.
Namibia atanga lak heng sakeite hi India-ah hian Madhya Pradesh-a national park-ah dah an ni hlawm.
India-ah hian tun hma chuan tuna mi ang chi sakei, Asiatic cheetah an tihte hi an tam hle thin a; mahse, kum 70 vel chhungin an mang hman vek a ni.
Tun tuma Namibia atanga a lak luh hi sa ei chi rannung hlawm liana khawmualpui pakhat atanga a danga sawn hmasak ber a ni nghe nghe.