Ultimate Fighting Championship chuan October 15 a intum turin middleweight fighter pahnihte a be rem tawh a. Jared Cannonier leh Sean Strickland te UFC Fight Night-ah an inhmachhawn ang.
UFC chuan Thawhtanni khan he Fight Night main event tur hi a puang a. Inelna neihna hmun tur hi puan la ni lo mahse Las Vegas a UFC hmunpuiah a nih hmel.
15-6 record nei kum 38 mi Cannonier hi July thla khan UFC 276 a champion lai Israel Adesanya laka tlawm hlim chiah a ni a. Hemi hma hian vawi ruk atangin vawi nga hnehna a chang.
UFC middleweight rankings-ah pahnihna ni mekin Strickland hi a hneh chuan title inchuhna huangah a dinhmun siamthat kawng a zawh tanna tha a ni ang.
A khingpui tur kum 31 mi hi 25-4 MMA record nei lai a ni a. A zawna vawi ruk a chak avangin title inchuhnaah a buk a rit hman. Nimahsela UFC 276-ah tho Alex Pereira lakah round khatnaah a tlawm nghal a. Pereira hian champion Adesanya a hmachhawn ve leh zawk dawn.