Aizawl : Sakawrdai VC leh All NGO-in Sakawrdaia sorkar deptt. hrang hrang office-a thawktu thihna, pension leh transfer avanga an hmun ruak hnawhkhah zui awm lova a ruak zel chu hriatthiam harsa an tih thu an sawi.
Post ruak te hnawhkhahsak rang turin thuneitute an phut a. Dental surgeon transfer aiawh dah a la nih loh thu sawiin, “X-Ray technician transfer aiawh tur Mary Vansangpuii’n tun thlengin a hna a la zawm lo” an ti.
Opthalmic assistant, leh Lab. technician transfer aiawh dah an la ni lova, Health worker transfer order chhuak tawh aiawh tur siam a la ni lo tih an sawi a, Vaitin, Thingsat, Zohmun leh Sakawrdai a IV-grade post ruak te, Health supervisor, kumin September-a pension tur hmun ruak luah tur te siam nghal an phut.
SDO (C) office-ah peon leh LDC aikal tih loh thawktu dang awm tur ang te awm turin an phut a. JE, PHE post dah leh te, P&E-a post pahnih ruak hnawhkhah thuai te an phut bawk.