AZL: AH & Vety Minister Dr K Beichhua chuan Tanhrila ran chaw siamna hmunpuiah bawng vulhtute hnenah ran chaw herna khawl a sem chhuak.
Thawhlehnia khawl sem inkhawmah thu sawiin Dr. K. Beichhua chuan department-in African Swine Fever avangin hun thim tak a hmachhawn mek tih sawiin, hemi avang hian vawk vulhte pawh beidawng lo tur leh he hun hi a la liam thuai dawn a ni tih hriaa vawksaa intodelh theih nan theihtawp chhuah zel turin a chah.
Ran chaw herna khawl hi Mizopa siam niin Zuia Research Foundation siam a ni a, pakhat hi Rs 56,000 man a ni a. Khawl sem chhuah inkhawm hi Dr Lalrinpuii Sailo, Director AH&Vety-in a kaihruai a ni.