Serchhip district-ah TB natna vanga nikuma enkawl 67 zingah TB natna thihpui 4 an awm a, kuminah TB vanga enkawl 50 awm tawhin, TB natna thihpio 3 an awm tawh.
Nimina Serchhip district TB forum thutkhawmah TB natna chungchanga Serchhip district dinhmun tarlan a ni a. Serchhip district-a kumina TB vei enkawl 50 zingah HIV hrik pai mi 5 an awm thu leh nikuma lamah pawh TB leh HIV hrik pai kawp mi 5 bawk an awm thu tarlan a ni.
Serchhip district TB forum, an chairman Serchhip Bawrhsap Nazuk Kumar hova thutkhawmah hian HIV hrik pai hmuhchhuah thar 25 an awm thu leh heng mi te hi damndawi hmang sual thin an nih thu tarlan a ni a. Nikum lamah Serchhip dist-a HIV hrik pai hmuhchhuah mi 14 an nih laia kumina a pun chhan chu damdawi hmansual a hluar vang nia report a ni bawk.
Thutkhawm kaihhruaitu Bawrhsap chuan drug avanga hri thalo chi hrang hrang – HIV/ AIDS, TB, Hepatis leh a dang te kai titlem tura camnpaign awmze nei kalpuia, beihpui thlak hial tul a tih thu a sawi a. Sub-Hqrs YMA report leh rawtna anga Myanmar raltlan te avanga drug hluara, a man hniam ta em em pawh a tihreh dan tur YMA, Police leh anmahni raltlan te nen la sawiho tha a tih thu a sawi.
Serchhip khawpui chhungah raltlan 284 an awm mek a, an zinga mithenkhat chu haw chhova, lo chhuk leh thin an nih avangin heng mi te hi drug la tu ber nia hriat an nih thu he thutkhawmah hian tarlan a ni bawk.