Khawvel boxing a undisputed super-middleweight champion ni lai Saul ‘Canelo’ Alvarez chuan a elpui hlun Gennady Golovkin chu a vawithumna tura an inhmachhawn hunah boxing a chawlhsan vang vang tawhna tura hneh a tum.
Thla thar ni 17 hian boxer pahnihte hi a vawithum nan an inhmachhawn leh dawn a. Kum li kalta a Alvarez-a’n points hmanga majority decision a hnehna a chan hnuah an insu leh dawn.
An intum hmasak zawk hi kum 2018 September kha niin kum 2017 September khan Las Vegas-ah tho a vawikhat nan intumin hemi tum hian split draw in inhnehtawk a puan an ni.
Kum 32 mi ve ve boxer pahnihte hi tawngkam a inbei tel fo thin an ni a. Alvarez chuan, “Boxer a nihna ka zah a, a career leh mihring a nihnate ka zah. Mahse ka ngainat loh a ni a, chawlhtir zui hi ka tum. Keima tan chuan hei hi boxing chauh ni lovin mimal inkar a tling tawh a. Ka hnung lamah thil tam tak a lo sawi a, hmachhanah a sawi ngam si lo.” a ti.