India-in kum 10 dana chhiarpui a neih thinah ram mi a chhinchhiah tha hle a. Sakhua atanga tawng, khawtlanga an dinhmun thlengin a chhinchhiah a, Dalit leh Adivasi a chhiar vek bawk a. Hei vang hian mi thiam tam tak chuan OBC-te chhiar hran leh kher a tul chhan tha tawk awm lovah an ngai.
India-a sorkar hna leh college-a chanvo inhauhsakna kalpui mek chu a tibuai thei niin an ngai a. Ram mipui zahve aia tam mah a hrana chhiar hi a tulna an hre lo.
Hetih lai hian economist leh policy siamtu tam tak chuan OBC-te chhiar hian sorkarin programme a neih leh hma thar a lakna turah ruahmanna felfai zawk a siamtir thei dawn niin an ngai ve tho bawk.
Ram dangte pawhin a chi chia inchhiar hi an lo kalpui fo va. United States-ah hian chi (race)-a inchhiarna kalpui thin a ni a, UK-ah hian an ram mi ni sa lote chu an thlahtute pem luhna azirin a hranin an chhinchhiah vek bawk.
India-a chhiarpui bultantu, British-ho hian kum 1872-a bul an tan atangin kum 1931 thleng khan chi bila inchhiar hi an kalpui char char.