- Mahmuaka Chhakchhuak
Engvanginnge kan Bible hian Vantirhkoh hmingte hi mipa hming anga a ziah vek? Matt. 22;30 thu kan chhiar chuan ‘ Thawhlehnaah chuan nupui pasal an innei tawh lo va, vana Vantirhkohte ang an ni dawn zawk asin ‘ tih thu kan hmu a, mipa leh hmeichhia awm lo tur ang tak a nih laiin kan Bible chuan mipa ang vekin a ziak bawk si!
Tin, hming te pawh hi kan Mizo Bible hian tih danglam a nei nual mai a, a thente chu in ang miah lo te an ni hlawm bawk a. Saptawng a ‘David’ tih chu kan Mizo Bible chuan ‘Davida’ tiin a dah a, a dikna takah chuan ‘ David-a’ tih tur a ni. ‘Moses’ tih pawh ‘Mosia’ kan ti mai bawk a, a tawpah ‘A’ kan belh mai hian mihring hming bikah kan ngai nge ni ang? ‘Judah’ leh ‘Isaiah’ te chu ‘Juda’ tih leh ‘ Isaia’ tiin kan dah mai bawk a, a chiang bik zawk nge pawh ka hrethiam lo e a. Chutihlaiin ‘Jesse’ tih lah chu ‘ Jesaia’ kan ti daih a, ‘James’ lah ‘Jakoba’ kan ti daih bawk a, ‘Andrew’ lah chu ‘Andria’ kan ti daih bawk nen hian kei vala hi ka lung ava awih chiah lo em!
Mihring hming chauh ala ni lo a, Saptawnga ‘Antioch’ chu ‘ Antiokei’ kan ti daih a, Hmar Bible chuan ‘Antiok’ tiin a dah a, a dik zawk lawng maw? ‘Ephessi’ lah chu ‘Efesi’ tiin kan lam tho bawk si a, ‘Philemon’ pawh ‘ Filemon’ tiin kan lam ri tho a, hetiang ang ‘PH’ awm hi tinge kan Bible hian ‘F’ anga a ziah nghal mai loh le?
Saptawnga ‘Hang’ tih chu JF Dictionary chuan – khai, tar, khaihlum, uai, inkhai tih tein a letling a, KJV Bible ah hmun 71 ah a awm a, chung te chu kan Mizo Bible thung chuan hetiang hian a letling hlawm a :
CHAWIKANG ; Gen. 40;19,
KHAIHLUM : Gen. 40;22, 41;33, II Samu. 21;6, 21;9,
UAITHLA : Exo. 26;12, 26;13, Heb. 12;12, ZAR : Exo. 26;32, 36, 37, 27;11, 12, 15, 16, 35;15, 17, 36;37, 38;9, 11, 12, 14, 15, 18, 19, 39;40, 40;5, 8, 28, 33, Nums. 4;25, 26.,
AWHHLUM TIR :Nums. 25;4, Esther. 2;23, 6;4, 7;10, 8;7,
KHAI :Deut. 21;22, 23, Joshua. 8;29, 10;26, II Samu. 4;12, 21;12, 13,
AWHHLUMNA ; Esther. 5;14, 7;9, 9;13,
KHAI KANG : Esther. 6;11, 9;14, 25,
BANG : Sam. 137;2, Hla te. 4;4,
HUNG : Esther. 1;6,
KAIKUN : Tahhla. 2;10,
INKHAIKHAWM ; Mat. 22;40,
INKHAI : TT. 28;4,
HLAUTHAWNG : Deut. 28;66,
TAR ; Ezek. 15;3.
Heng bakah hian Isai. 22;24 ah phei chuan a awmze bo thakin lehlin a ni bawk a.