United States-a Texas laili-ah, tun hnaia nasa taka khawkheng avanga luipui tui kâmah lui mawngah kum maktaduai 113 vela upa tawh dinosaur hniak hmuh leh a ni.
Hniak lian tak tak hi acrocanthosaurus hniak nia hriat a ni a, hei hi kum 2000 hnu lamah hmuh thar a ni tawh lo a ni.
Dinosaur Valley State Park, Texas hi khawvela dinosaur hniak vawn thatna tha ber niin park superintendent Jeff Davis chuan a sawi.
US Drought Monitor chuan Texas state pum deuhthawin khawkheng rapthlak tak an tuar niin a sawi.
Kar hmasa khan state 87% chuang chuan khawkheng an tehnaah a sang pathum – nasa tak, nasa leh kheng tan an tawng ani.
Nipuiah khua a ro em em a, a lum bawk si avangin Texas lailia park-a luite chu an kangchat zo va, dinosaur hniak pawh hmuh a ni leh ta a ni.
Superintendent Davis chuan hniak lang hi ‘Lone Ranger trackway’ tia an sawi thu leh Acrocanthosaurus pakhat hniak a ni a, ft 100 chuanga thui a awh a. Hniak 140 vel a awm a, 60 chu hmuh theih a ni.
Acrocanthosaurus hi therapod an tih, ‘kezungtang pathum nei dinosaur’ a nih thu Davis chuan a sawi a. Ft 15 chuanga sang, tonne sarih chuanga sang a ni.
Sauroposeidon an um thin a, heng pawh hi state park chhungah a hniak a awm ve tho bawk.
Sauroposeidon hi ft 60-a sang, nghawng sei tak nei, a puitling chu tonne 44 chuanga rit a ni.
Khawkheng nasa hian rannung hniak chauh lo, thil dang pawh a pho lang.
US-a tuikhuah lian ber, Lake Mead-ah tui kâm mihring ruang hmuh a ni.
Europe-ah pawh tui chim chin hniamah ‘hunger stones’ tia an sawi, tun hmaa khawkheng lo awm tawha tui chim chin chhinchhiahna, thangthar zelten an lo hmuh ve huna hlauhawm (khawkheng) a hnai tih an hriatna tura an dah hmuh a ni bawk.
Khawkheng hi sik leh sa inthlak nasa vang chauh a ni lo va, boruak lum lutuk leh khawvela hnawng lutuk vang nia ngaih a ni.
Khawvel pum hi industrial era hun lai aiin 1.2°C velin a lum tawh a, ram tam takin khaw tilum thei an siam chhuah tihtlem tuma an beihnain awmzia a la nei zo lo.