Nau chunga Hortoki nu, Zoramthari thihna chungchangah MHIP General Headquarters hruaituten nimin khan Civil Hospital Aizawl tlawhin, damdawi in hotute hnenah thil thlen dan an zawtfiah.
MHIP hruaitute hi an President Ngurmawii’n a ho a, damdawi in hotute leh nau neihna ward-a duty-te an kawm a, thil thlen dante an zawt fiah bakah damdawi in hotute chu thihna thlen chhan chhui chiang tura an ngen bakah, hrem phu chu hrem ngei tura an duh thute an hrilh.
MHIP hruaitute chuan an hmeichhiatpui, Zoramthari nau chunga a boral chu pawi an tih thu sawiin, a kalsan tak a pasal leh a fate an tawrhpui tak zet tih an sawi bawk a ni.