Prime Minister Narendra Modi chuan Nilaini khan India rama damdawi in lian ber tur, khum 2,600 zet awmna mi mal damdawi in a hawng.
Amrita Hospital hi tun lai hmanraw changkang ber bera thuam a ni a, automatic veka thuam laboratory a nei tel.
Hawnna inkhawmah hian Haryana Governor Bandaru Dattatreya leh Chief Minister Manohar Lal Khattar te pawh an tel.
Prime Minister Modi chuan India chu damdawia inenkawlna leh thlarau lam inzawmna thuk tak awmna a nih thu a sawi a. COVID-19 leng chu thlarau lam leh mi mal nun inzawm a thatzia chiang taka tilangtu a nih thu a sawi a, chu chu mi dangte hnena zirtirna petu leh khawvela invenna pek beihpui thlakna lian ber ko chhuaktu a nih nghal thu a sawi.
“Technology leh changkanna chuan ram hi damdawia inenkawlna lamah nasa takin a hruai a ni,” a ti a, India hmalaknate chuan sorkar dang leh mi dangte pawh hriselna lam leh zirna chu tum bulpui lianah a neihtir phah niin a sawi bawk.
Prime Minister Modi hian Nilaini vek khan Homi Bhabha Cancer Hospital & Research Centre chu Punjab sorkar hnenah a hawng bawk.
Mullanpur, S A S Nagar district-a ram acre 50-a zauva sak hawnnaah hian Punjab Governor Banwari Lal Purohit, Chief Minister Bhagwant Mann, Union Minister Jeetendra Singh leh Anandpur Sahib MP Manish Tiwari ten an tawiawm a. A hawn hnuah damdawi ina awmte a tlawh kual bawk.
Khum 300 awmna, Homi Bhabha Cancer Hospital & Research Center hi Punjab bakah India hmar lama cancer natna veite enkawlna awlsam zawk a awm theih nana Rs. Vaibelchhe 684 senga din a ni.