Kum 12 kalta chhunga single 121 a tihchhuah hnu ah Nicki Minaj chuan US-ah chart record thar siamin Laruyn Hill chart record siam a tluk ta.
A hla thar ber, ‘Super Freaky Girl’ chu Billboard Hot 100-ah number one niin, kum 23 dawn hnu lama solo female rapper-in he dinhmun a luah leh hmasak ber vawikhata a ni.
Kum 1998 daih tawh khan Laruyn Hill chuan ‘Doo Wop (That Thing) hmangin chart-ah number one a lo ni tawh.
Billboard tarlan danin, ‘Super Freaky Girl’ hi karhmasa khan vawi maktaduai 21 chuang stream a ni.
He hla vek hian download chart-ah karhmasa khan vawi 89,000 hralh a ni a, kumiin kum kal meka karkhat chhung hla hralh tam ber nihna a chelh bawk.
Minaj tan mel lung pawimawh phunna a nih vangin a lawm hle a, fan te hnenah, “In ti tha e” tiin lawmthu a sawi.