Pakhatna in cheng nuai khat lawih dawn theihna tur ‘Praise On’ Solo Competition 2022 intihsiakna chu Synod Information and Publicity Department (Synfo) leh Central Kristian Thalai Pawl huaihawtin buatsaih a ni dawn a, Presbyterian kohhran, KTP member te tan tel theih a ni ang.
JUDGE te hi zai leh rimawi lama tawnhriat ngah leh hriattlar- Upa C.Vanlalvuana, Chanmari, Upa Zothanmawia, Khatla, Nl. Stacy VL Muanpuii, Tuikual te an ni dawn.
Lawmman: Intihsiakna lawmman atan Pakhatna Rs. 1,00,000.00, Pahnihna Rs. 50,000.00, Pathumna Rs. 30,000.00 leh Consolation Prize (Top Ten tling chin) Rs. 7,000.00 a ni ang.
Tel thei turte: He show hi Kohhran rawngbawlna pawimawh tak pakhat zaia rawngbawlna kawnga hmasawnna atan leh kohhran programme hrang hranga thinlung taka Pathian faka zai thei an lo punna atana buatsaih tur a ni. KTP Branch tinin an Branch chhunga mi zaithiam, Pathian fak duh mi,an Branch aiawh tur an ruat thei ang a, a zat chu Branch thu thu a ni ang. Branch ruat ni lo chu mimala tel a rem lovang. Registration form hi Branch tinah thawn chhuah tawh a ni a, August ni 30 thleng thehluh theih a ni.
Elimination Round
Aizawl khaw pawn hmun 5 leh Aizawl chhung hmun 2 ah 26th September atanga 6th October 2022 chhungin Elimination Round neih tur a ruahman a ni.
Top 50 – 18th , 20th & 21st October 2022, 7:30Pm
A hmun : Republic Veng Kohhran
Result puan : 21st October 2022, Intihsiak zawhah Result puan nghal a ni ang.
Top 20 – 27th & 28st October 2022, 7:30Pm
A hmun : Chaltlang Kohhran
Result puan : 28st October 2022, Intihsiak zawhah Result puan nghal a ni ang.
Top 10 (Final Round) – 8th & 17th November 2022, 7:30Pm
A hmun : Mission Vengthlang Kohhran
Result Puan & Lawmman sem
18th November 2022, 7:30Pm
A hmun : Mission Vengthlang Kohhran