K-pop hmeichhe group BLACKPINK hla thar, ‘Pink Venom’ chuan August 19 ah tlang a nih atanga ni hnih lek chhungin Spotify ‘Global Top 50 Chart’ ah pahnihna a ni pha.
Anmahni enkawltu YG Entertainment tarlan danin, ‘Pink Venom’ hi tlangzarh ni khan vawi 7,937,036 stream niin, ni hnihnaah vawi 6,710,743 stream a ni zui bawk.
A nikhatna aiin ni hnihnaah tla hniam deuh mah se, kumina hmeichhe artist hla thar tlangzarh zingah chuan play hlawh ber a ni pha reng tho a. K-pop artist zingah ni hnih zawna heti ang dinhmun luah thei hi BLACKPINK chiah an la awm.
Hei bakah ‘Pink Venom’ hi US leh UK tiamin ram 74-ah iTUnes ‘Top Songs’ chart-ah pakhatna ni mekin ni hnih zawna ‘Worldwide Song’ chart-ah ro a rel zui bawk a ni.