Music Domain Mizoram chuan an huang tih zauh belhin Mizoram a District lian ber dawttu Lunglei-ah August 26, 2022 tlai dar 3 hian MDM District Headquarters Lunglei a din dawn ta!
Hemi rual hian Lunglei hruaitu tûra MDM in O.B a ruatte mipui hmaa puanzarna hun hman nghal a ni ang.
MDM District Headquarters Lunglei thar hawn lawmnan zan dar 7:00 ah Saikuti Hall-ah Free Concert neih tur a ni bawk a. Aizawl aṭangin zaithiam lar- Sawmtea Chhangte, Manuna Chuaungo, Feli Fanai, Zorinzuali, Marina Varte, Lalhmangaihzuali (Nunu-i) leh Vanlalduhawma (Kawrthindenga) te an kal dawn a. Lunglei zaithiam tak takte zai ngaihthlak tûr a awm bawk ang.
He hun atan hian MDM General Headquarters hruaitute chuan bengsika ngaihtuahin thlutlukna fel tak an siam a. Zaithiamte’n hamṭhatna hei aia nasa zawk an hmuh chhoh zelna tûra hmalak zel hi an tum bulpui ber a ni bawk. Mizoramah zaithiamte platform hei aia phuisui leh changkang zawka buatsaih zel an tum a. MDM Award pawh a hma aia ṭha zawka buatsaih chhoh zel an tum bawk a ni.