Los Angeles Lakers chuan season thar a an team tihchak nan Utah Jazz guard Patrick Beverley chu trade hmangin an lalut fel dawn.
Nilaini zan khan he trade hi tihfel a ni dawn a, Lakers hian Jazz hnenah hian guard Talen Horton-Tucker leh forward Stanley Johnson te an kaltir ve thung ang.
Beverley hian Nilaini khan social media kaltlangin a insawn tur thu hi a sawi tawh.
Kum 34 mi hi kum 2017 atanga 2021 chhung Los Angeles Clippers tana a khelh hnuah Los Angeles-ah a kir leh dawn tihna a ni a. Lakers coach thar Darvin Ham-a’n season hmasa a NBA a defense tha ber 21-na ni pha chauh siamthatna turin defense khelh thiam, player thahrui ngah leh fing hi lakluh a duh.