Kum 10 chuang an awl tawh hnuah Scottish football club Rangers in an tum ram an thleng a. Inkhel pawimawhah PSV Eindhoven barakhaih in UEFA Champions League group stage an khel dawn.
Nilaini zana Philips Stadion a UEFA Champions League qualifying playoff round inkhel hnuhnungah Rangers in minute 60-naah goal an khung a. Malik Tillman-a’n PSV ball inpek chu dang chatin ball a la a, Antonio Colak tan siamsakin ani in chakna goal atan a khung.
First leg a 2-2 a an inhnehtawk tawh avangin Scottish club in hma an hruai a. PSV hian an mualah theihtawp chhuahin an nawr a. Goal hlauhawm insiam hnem mahse chak tura rin an hlawh zawkna inkhelah an khingpuite lakah goal an khung lei thei lo.
Rangers hian kum 2007-08 season hnua a vawikhatna atan UCL group stage an khel dawn a. Kum 10 kalta a sum lama an tlakchhiat avanga Scotland a league inchherchhuan dan awma palina a tla thla Rangers hian UCL group stage an khelh dawn avangin Pound maktaduai 25 tal tun season-ah sum an hmu ang.