German car company hlun Audi chaun kum 2026 atangin Formula 1 ah a inrawlh tawh tur thu an puang.
Audi board chairman Markus Duesmann chuan Zirtawpni khan an campany chu F1 a power-unit manufacturer a pawm an nih tawh thu a sawi.
Audi hian ama team a kalpui dawn nge team te hman tur engine siamtu niin a thawhpui dawn tih erawh hriat a la ni lova. Tun season tawp hma in an hnathawh dan tur puan chian a ni ang.
Chutihlaiin tun a Alfa Romeo ni mek, Swiss team Sauber chu an rochun tura ngaih a ni a. Audi hi an hmalakna an puan hnu lawk hian Alfa Romeo awmna company Stellantis chuan kum 2023 season hnuah Sauber nen an thawhhona an tihtawp tur thu an puang.
“Le Mans, DTM leh Formula E te thlirin kan inrawlh nasa a, hlawhtlinna ropui tak tak kan nei. He hlawhtlinna hi Formula 1 a chhunzawm kan duh.” tiin Duesmann chuan a sawi a. Audi thutlukna chu F1 in ‘clean energy’ a buaipui nasat avanga siam an nih thu a sawi tel.