Aizawl : Vohbik naupangte tana Ephatha society of Mizoramin an din Ephatha Special School, Kulikawn hnenah Human resources development board vice-chairman L Thangmawia’n Tuizem (Sintex) ltr 2000 dawng a hlan.
L Thangmawia chuan mithahnem ngai ten vohbikte tana hma la tura society hrang hrang an lo din tawh thu sawiin, mitdel te tan Samaritan Association for the Blind-in kum 2001-a school an din te, taksa lama harstna nei (spastic) te tana Gilead special school 1990-a Spastic society-in an din thu te sawiin, Ephatha Society of Mizoramin taksa lam leh rilru lama harsatna nei lo, mahse bengngawng leh tawngtheilo ni si te tana Ephatha Special School kum 2016-a an din thu a sawi a. Vohbikte tana thawktu society zawng zawngte lawmthu a hrilh.
HRD board vice chairman chuan Education Minister-in a ruahmansak grant-in-aid Rs. nuai 2 chu Ephatha special school-in an dawn theih thuai tur thu a sawi a. A hma lama kawng hrang hranga Education Minister-in hmalakpuia a lo tanpui tawhna avanga a lawmpui thu a sawi.