Lemchan kual vel tel lohna khawvel dai luh a duh rih vangin Britney Spears chuan a vawi lina ni turin Instagram a chhuahsan.
Hemi chungchang hi Twitter-ah ziakin, “Nitin mai hi ka tana ni thar leh nuam ka tihzawng ka tih theihna ni tur ni turin ka inzir reng a, ni e, vawiinah hian hlimna ka thlang a ni,” a ti.
Sawi chhunzawmin, “Nitin mai hian ka infuih thar ziah a, khakna na tak kalsan a, keimah ngei pawh inngaidam a, midangte ka lo hliam tawhna thlengin ngaihdamna hi a tul hle a ni,” a ti bawk.
A fapa pahnih Sean Preston leh Jayden James te chungchangah pawh a tarlang a, thlarau thianghlimin a awmpui a, a kaihhruai ngei a duhsak hle.
Hetih lai hian, Elton John nenan an thawhdunna, ‘Hold Me Cloder’ chu nimin khan tlangzarh a ni a, kum 6 hnu lamah Britney hla thar hmasa ber hian ngaihven a hlawh hle