India ramah darkar 24 liam ta chhungin coronavirus kai mi 9,520 hmuh chhuah leh hman niin mi 4,43,98,696-in an kai tawh.
Union health ministry-in a chhinchhiah dan chuan hri kai enkawl lai hi a hniam zawnga kal zelin mi 87,311 an la awm mek.
Darkar 24 liam ta chhung hian mi 41-in thihpui leh hmanin mi 5,27,597-in an thihpui ta a. Thihpui chhinchhiah thar zinga mi pali chu a hma lama thi tawh, Kerala-a chhinchhiahnaa telh thar an ni.
Covid-19 kai hmuh chhuah tawh zawng zawng atanga chhutin a kai enkawl lai hi 0.20% an la ni mek a, enkawl dam zat bi pung hret hretin 98.62% an la ni mek.
Darkar 24 liam ta chhung hian enkawl lai zat chu mi 3,396-in an tlahniam leh hman a ni.
Darkar 24 liam ta chhunga sample endik zinga 2.50% chuan an kai tih hmuh chhuah a ni a, chawlhkar khat liam ta chhunga endik zinga 2.80%-in an kai bawk tih ministry chuan a tar lang.
Hri kai zinga mi 4,37,83,788 chu enkawl dam leh tawh an ni a, a kai zinga 1.19% erawh chuan an thihpui thung a ni.
Invenna pek mek zelah vaccine dose vaibelchhe 211.91 pek a ni tawh.