Serie A champion AC Milan in hnehna changin league table chung berah an inhlangkai lailawk a. 2-0 in Bologna lakah an chak.
Inrinni zan San Siro a inkhelah Milan tan hian Rafael Leao leh Olivier Giroud ten goal an khung a. Milan mi thar Charles De Ketelaere pawh a langsar hle.
Rossoneri hian an khingpuite lakah harsatna lian an tawk lo lem lova. Minute 21-naah season liamta a che tha tak Portuguese forward Leao chuan an goal hmahruai a khung a, Belgium midfielder De Ketelaere-a’n a siamsak.
De Ketelaere bawkin an goal hnihna Pierre Kalulu tan a siamsak teuh hle a, tlarhnung thiat zawngin ball a pet lut thiam thin.
Second half-ah Giroud-a’n an goal hnihna a khung ve leh a. Bologna in goal hlauhawm mumal an neih ve loh avangin Milan tan chak a harsa lo.
Inkhel dangah Allianz Stadium-ah AS Roma an lenglut a, Juventus nen 1-1 in an inhnehtawk.
Juve in minute 2-na lekah Dusan Vlahovic hmanga hma an hruai hnuin Roma tlarhma hlauhawm chu hneh takin an veng zui a. Mahse minute 69-naah AS Roma striker Tammy Abraham chuan an si phurh a sut.