Turkish pop singer lar tak Gulsen Colakoglu chu an rama sakhaw zira In nuihsawh leh huatna chi tuhah puh niin, Jail-a thawn liam a ni.
Kartawp lam khan Istanbul-a a chenna In atanga thu zawhfiah atana lak a nih hnu ah man zui niin, Jail-ah an nawr lut nghal.
A chunga thil thlengah hian inhnialna leh thu inchuhna a tam hle a, social media a luahlut ve vet mai. Man a nih chungchangah mi tam takin thuneitute an dem a, Turkish President Erdogen-a’n inthlanpui lo awm tura vote zawnaah ngaihsakin, an lungawi lo. Inphhiarrukna a awm an ti a ni.
An man chhan nia sawiah chuan April thla daih tawh khan Istanbul-a concert a neihah Gulsen hian stage atangin a musician zinga pakhat chu sakhaw zirna In a kal hnu-a awm tla hawlh ang deuhin fiamthu a thawh niin an sawi.
Thuneitute puhna leh hlinna hi Gulsen hian a pha fai vek a, an rama sakhuana, serh leh sang an kalpuinaah fimkhur taka kalpui a tul tih a hriatchian bakah zahawm taka a en vek thu in zawhna an zawhnaah a chhang na a, thuneitute chuan an man ta tho.