Prime Video chuan beiseina sang tak neiin Lord of the Rings show season hmasa ber turi, ‘The Rings of Power’ a tichhuak dawn ta a, hemi atana a sum sen hi $Mtd. 715 a tling.
Amazon hian J.R.R Tolkiens’ kutchhuak, ‘The Lord of the Rings’ atan sum leh pai a vawmlut hnem hle a, episode pariat awmna tur hi kumtina Amazon pawttu mi maktaduai 5.1 te mit a titlung dawn em, tih chu hunin a rawn hril thuai ang.
Nikum khan Amazon hian Prime subscriber thar maktaduai 200 chuang a neih belh a, Netflix leh HBO te’n sum tam tak hmanga an veh thlem karah TV rights a chang thei a, hemi atana Amazon sum sen ringawt pawh hi a tlem lo. $Maktaduai 250 lawih a tling.
Chu mai a la ni lo, Amazon hian New Zealand-a production an neihnaah $Mtd 500 vel zet zawt a seng bawk a, marketing leh promotion-ah maktaduai tam tak a vawm chhuak tawh bawk.
Hengte vang hian ‘The Rings of Power’ hian ngaihven a hlawh zual a, en chak an tam pah.