Aizawl : Lunglei district-a Zirtirtute Ni (September 5) hman dan tur ngaihtuahtu committee, District Bawrhsap Kulothungan hova thukhawmin COVID19 avanga kum hnih chhung Zirtirtute Ni hman theih a nih tawh loh avangin kuminah chuan urhsun taka hman an rawt.
Kumin Zirtirtute Ni chu a remchan dan anga school hrang hrangin ursun taka hman turin an ruahman a. Lunglei khawpui chhung hmun li – AOC, Chandmari, Venglai leh Sekawn-ah te Zirtirtute Ni pual thu ziak tar an rawt a. District Bawrhsapin AIR leh local cable TV kaltlangin Zirtirtute Ni thuchah a sawi ang.
Sorkar leh private school zirtirtu ten Teachers welfare fund Rs 100 theuh thawhkhawm turin an rel bawk