Aizawl : Siaha district-a Siasi leh Chakhei inkar kawng siam endik turin Mizoramah central team an lo kal thu Delson Notlia, National Secretary, Minoruty Morcha chuan a sawi.
Thawhtannia BJP Mizoram Pradesh in chhung inkhawm an neihah thu sawiin Delson Notlia hian, Mara Autonomous District Council (MADC)-in Siasi leh Chakhei inkar kawng siamna tur cheng nuai tam tak senga DPR an buaipui chu chief minister Zoramthanga kaihhruai Mizoram sorkarin, he’ng hna lian hi Autonomous district te tana thawh chi a ni lo, an thawk thei lo a tih avangin KR Construction hnenah hne hi a pe chhawng tih a sawi a. Kawng siamtu KR Construction hian hna an thawk chhe hle a, helai kawng hi tha taka siam an duh avangin central-ah report an theh lut niin a sawi.
Delson Notlia chuan, “Tunah hian Siasi to Chakhei kawng siam en dik turin Central team te an rawn kal tih hriattir kan ni a. A lawmawm hle a. Mizoram siam that hna kan thawhna kawngah Central hian kan aw hi an ngaithla a ni tih hi Mizoram mipui hian hria se, Mizoram siam that hna thawk turin Mizo mipui te ka sawm bawk che u a ni,” a ti.
BJP State Secretary P. Sanghmingthanga kaihhruai inkhawmah hian Delson Notlia chuan State Mahila President atana ruat thar Lalbiakkimi hnenah lawmpuina thilpek a hlan nghak bawk.