Aizawl: ZPM President Lalliansawta chuan ZPM hian Pathian duhzawnga rorelna mitthlaa hmu chungin hma a la chho mek zel tih a sawi.
Thawhtannia ZPM chhung inkhawmah thu sawiin Lalliansawta chuan, “ZPM hian kan ram dinhmun kan thlir a, ‘Kalphung Thar, Mipui Sorkar’ mai ni loin Pathian duh zawnga rorelna mitthlaa hmu chungin hma a la chho zel a; ZPM thil tumte tihlawhtling tura vawiin thlenga min rawn zawmtu kan la nei zel hi a ropui kan ti takzet a ni,” a ti.
ZC Dothanga, Consultant pawhin thu sawiin chief minister tlawn ngai an nei ve lo tur chu ZPM kalphung thara pawimawh bera a hriat thu leh hei hi India ram pum puiin an la zirchiana an la entawn a rin thu a sawi a. Chief minister intlawnsiak chu democracy rahbehnaah a ngaih thu a sawi.
ZPM Adviser R. Buanthanga kaihruai inkhawmah hian tun hnaia hmun hrang hranga zin chhuakte zin report ngaihthlak a ni.