Mizoram sorkarin district hrang hranga sports discipline-te insuihkhawmna tura a duan, District Sports Committee thar chu Champhai district chuan duh loin vawiina inthlan turah tel loh an rel.
Nimin khan Champhai District Sports Committee chuan District Sports Committee kalphung thar chungchang rela thukhawm chuan District Sports Committee hruaitu atan sorkar lam mi an ruatah hmasawnna awm theiin an hriat loh avangin sorkar duan kalphung thar hi zawm loh phawta sports discipline aiawh thlan turah boycott an rel a ni.
District Sports Committee chuan district sports aiawh tumahin nomination siam loh ni se ti bawkin, sorkar committee tam taka chairman nihna chelh mek, District Commissioner (DC) hnuaia hetiang tih leh thin hi hmasawn lohna, tun hmaa enchhin tawha chin zui tlak loh a nih thu an sawi.
Champhaiin an tih hma hian Kolasib district pawhin kalphung thar tur duh loin inthlan an lo thulh fel tawh bawk.