Kuhva ro tawlh luhah kan fimkhur deuh deuh a tul
Khawchhak atanga kuhva ro tawlh luhin vawiin thlengin buaina min la thlen a, man tawk an awm reng a, man hman loha mahni kudam thleng ta tam tak an awm bawk. Mizoram sorkar in sawiselna nasa tak leh dotu tam tak an awm karah vawiin thlengin thawm lian tham an la nei ngam lo zel niin a hriat a, Mizoram police te pawhin man dan tawk thiam har an ti hle niin a hriat thin.
Thenawm state Assam lam pawhin he kuhva ro tawlh hi an do a, an theihtawpin an state chhunga a luh loh nan hma an la chungin vawiin thlengin luh ruk tum an la kuh ve tul niin a hriat bawk.
Hetiang hi kan dinhmun a nih laiin tunlai hian Assam lamah kuhva ro a tawlh luh theih nia thuthang vangin Vairengte lama kuhva ro dahna kudam tam tak a lun leh tan a, motor lian ho pawh tlanchhuak mai thei turin an inring hlawm leh tan ta.
Assam sorkar-in Myanmar atanga Mizoram kaltlanga kuhva ro lak luhte chu dan loa sumdawnna a nih avangin Assam state-a lut apiang chu man zel a ni a, hemi kaihhnawiha sumdawngte pawh mi eng emaw zat chu an man nghe nghe bawk. Hei hi thuchhuah dangin a la delhkilh lo a, kan fimkhur a, a tihtawp hna zawk hi kan thawh thiam a la tul zel awm e.