India ram khawpui ber, Delhi-ah chuan kum liam ta chhungin ni tin hmeichhe naupang pahnih pawngsualna thleng ziah ang a ni a, National Crime Records Bureau (NCRB)-in a chhinchhiah dan chuan ram chhunga hmeichhiate an him lohna ber khawpui a ni.
Delhi-ah hian kum 2021 chhung khan hmeichhe laka pawikhawihna thubuai 13,892 ziah luh a ni a, a hma kum khan thubuai 9,782 ziah luh niin 40% zetin a pung a ni.
Delhi-a hmeichhiate chunga pawikhawihna thleng thubuai ziah luh hi India khawpui lian (metropolitan city) 19-a hetiang thubuai ziah luh zawng zawng zinga 32.20% a tling phak hial.
Delhi hi sumdawnna hmunpui, Mumbai-in dawtin hmeichhe laka pawikhawihna thubuai 5,543 ziah luh a ni a, Bengaluru-in dawtin thubuai 3,127 ziah luh a ni.
Mumbai-a thubuai ziah luh hi khawpui lian 19-a ziah luh zinga 12.76% leh Bengaluru-a mi hi 7.2% a ni bawk.
Ram khawpui bera hmeichhiate chunga pawikhawihna thubuai zingah hian an pasalten an sawisak thubuai (4,674) a tam ber a, ruk bo (3,948) thubuai leh hmeichhe naupang pawngsual (833)-in a dawt a ni.
Delhi-ah hian kum 2021 khan ni tin hmeichhe naupang pawngsual tum hnih thleng ziah ang a ni.
Khawpui lian zual 19-ah hian hmeichhiate laka pawikhawihna thubuai 43,414 ziah luh a ni.
Delhi-ah hian thuam chhawm vanga thah mi 136 an awm a, khawpui lian 19-a inthahna thleng zinga 36.26% zet chu hetiang avanga thihna a ni.