Indian multi-billionaire Mukesh Ambani chuan $Billion 25 man hu 5G mobile internet service chu ‘Diwali’ hunpui behchhanin October 22, 2022 hian India-ah a phochhuak dawn ta.
A ennkawl Reliance Industries hian high-speed network chak tak mai chu New Delhi leh Mumbai tiamin khawpui thlan bik ah te a pechhuak tan ang.
An hmalakna a kaltluang zel a nih chuan December 2023 hian India rampum tuam theih an inbeisei a, Google nena tangkawpin 5G smartphone man man tak, budget mil tur siamchhuah an tum bawk.
Jio simcard hmanga pekchhuah tur hi a nihna tur ang taka kalpui a nih hunah meuh chuan khawvela 5G network lian ber a ni dawn niin, Mr Ambani-a’n a sawi.
India-in 5G Network kalpui tak tak tura a insiam rem mek laia Ambani-a’n hmalakna thar ber tur a puanchhuah hnu hian Airtel leh VI te pawhin an hmalakna leh hmachhawp thar ber te chiang lehzual an puanchhuah beisei a ni.