Actor-comediaan Chris Rock chuan a thiltawn duhawm loh tak hrereng chungin Oscars 2023 host ni tura sawmna a hnawl fithla.
Tunhnaia Arizona Financial Theatre, Phoenix-a mipui tam tak hmaa a inlannaah Rok chuan Oscar-a letleh chu tharum thawhna thlenna hmuna kirleh ang a nih dawn avangin a ngaihtuah zui duh lo, a ti.
Hetih lai hian Super Bowl commercial-a inlan tura ngenna leh sawmna pawh Rock hian a hnawl zui bawk nia sawi a ni a, Oscar 2022-a Will Smith-a’n na taka a ben kha atan chuan mangchhia leh tawnhriat rapthlak tak a nih vangin a sawi thui duh tawh lova, puipunna langsar leh lianthama host tura sawmna reng reng tun dinhmunah chuan pawm chi ah a ngai lo.
A hun kaltawha thil thleng duhawm lo leh hrehawm tak khan a umzui zel vangin heti ang lam kaihhnawiha intahluh a duh tawh rih lova, fiamthu hmanga midangte chawkphur a, inlan mai chu tun dinhmuna duhthlanna duhawm a siam theih chu a ni rih.