BTS hotupa RM-a’n a project thar ber ‘Entirety’ atana graphic thenkhat a tihchhuah chu EXO member D.O solo mini album, ‘Emphathy’ nena inzulzuina a nei, tia sawiselna nasa tawk awm chu ARMY te’n an chhanglet.
RM hian K-pop star dang ‘idea’ leh kalphung a ru chhawnah ngaiin social media lamah chuk rawn a hlawh malh malh hle a, heti ang hi a nih vangin ARMY te chu ngawi mai mai bik lovin RM thlavang hauhna na tak an kalpui.
‘BIG HIT PROJECT NAMJOON’ tih chu tunlai hian social media lamah chak takina kal mek a, an mahni viltu HYBE leh Bighit te chu ngawi mai lova, he thil hi enfiah a, a tul dana hmala turin an nawr bawk.
Fan pakhat chuan, “Kan hotupa i hriat chian chuan heti anga mi thil lachhawng (plagiarism) mai mai tur a nih lohzia i hrechiang ang,” tiin a tang na hle.
Fan dang pakhat pawhin, “Heti anga inpuhna awmze nei lo leh phuahchawp lutuk hi beng khawn duh suh.. hahdam takin awm la, engtiklai pawhin kan thlawp reng che a, kan hmangaih reng che tih hi i hre dawn nia,’ a ti ve bawk.
Internet lamah RM chungchang hi sawi hat hat a ni mai lova, lamtang inchuhna a vung hle. RM lah hi a ngawi vung vung bawk si a, thuchiang a awm thei lo.