Hnahthial District Football Association buatsaihin vawiin chawhnu dar 2 hian HDFA XI leh Mizoram Premier League champion lai Aizawl FC ten Exhibition match an khel ang.
HDFA Ground a inkhel turah hian a thlengtu team hi Hnahthial District chhunga player tha thlankhawmte an ni a. Aizawl FC hian player 26 an hruai ve thung a, heng zingah hian Hnahthial District ami pali an tel.
HDFA chuan thuchhuah siamin pavillion bika luhna tur mi 200 tan chauh inkhel en man Rs. 50 a siam a, pavillion luh dawnah ticket a lei theih anga, pavillion a thu duh chuan ticket hi lei ngei ngei a ngai dawn a ni.
Security an duty dawn avangin ticket la lo chu pavillion-ah a thut theih loh ang. Tlawmngaia ticket leisak turin inkhel enturte an inngen.
HDFA chuan Hnahthial mipuite a tam thei ang ber inkhel en turin a sawm.