AZL: Press mi anga inlantira press identity card leh press sticker hmang sualte chungah hremna lekkawh a ni tawh dawn.
Eizawnna atana media/chanchinbu hmang lo leh press mi ni loten PRESS identity card leh PRESS sticker insiamchawpin an hmang thin tih hriain, hemi chungchangah Nilaini hian Commissioner & Secretary, Home Department H. Lalengmawia hoin sawiho a ni a. He thutkhawmah hian press ID leh press sticker lem hmanga press dikna leh chanvote dik lo taka lo hmang thin an awm chu sorkarin a ngai thu tak hle a. Hetiang thil hi a awm zui zel loh nan ruahmanna siamin hemi kawnga mawhphurtu hrang hrangte chu hma lak dan tur hriattir nghal a ni.
Thutkhawmah hian DIG (CID), Deputy Commissioner, Aizawl District, Director, Information & Public Relations, Superintendent of Police, Aizawl District, Superintendent of Police (Traffic), MJA hruaitute an tel a ni.